ከ67 አመታት በኋላ የተገኘው የአልማዝ ቀለበት

by **yaredlove** Sun Oct 04, 2009 12:26 am

ከ67 አመታት በኋላ የተገኘው የአልማዝ ቀለበት

እ.ኤ.አ በ1941 የጋብቻ በዓላቸውን ለማክበር አንድ ወር ያህል ሲቀራቸው ነበር በሚስ ቫዮሌት ቡዝ እና በሚ/ርፊያንሴ ሳሙኤል መካከል መጠነኛ አለመግባባት የተፈጠረው፡፡

ዘ ሰን እንደዘገበው ሚስ ቫዮሌት ሳሙኤል በንዴት የአልማዝ ቀለበቱን ሲወረውሩት የገባበት ጠፋ፡፡ እጮኛሞቹም ሌላ ቀለበት ለመግዛት ተገደዱ፡፡
ከ67 ዓመታት በኋላ የማዕድን ፈታሽ የሆነው የልጅ ልጃቸው የአልማዝ ቀለበቱን ምንም ሳይሆን አግኝቶታል፡፡

ሚስ ቫዮሌት ቀለበቱን በደስታ በጣታቸው በማጥለቅ “አስገራሚና ከ15 ዓመታት በፊት የሞተውን ባለቤቴን ትዝታ የሚቀሰቅስ” ብለውታል፡፡ የ88 ዓመቷ ሚስ ቫዮሌት “ይህ ቀለበት ለኔ አለም ማለት ነው፡፡ ብዙ አስደሳች ጊዜያትን ያስታውሰኛል፡፡ እነሱን ማየት አላቆምም” ብለዋል፡፡

“ለጋብቻቸው ያሰቡትን የአልማዝ ቀለበት ከጠፋ ከ67 ዓመታት በኋላ ቆፍሬ አውጥቼ ለአያቴ ስሰጣት ፊቷ ላይ ያየሁትን ደስታ አልረሳውም፡፡ በጣም የሚያስደስት ነበር” በማለት የሚስ ቫዮሌት የልጅ ልጅ ሚ/ር ሊንግተን ቦየስ ተናግሯል፡፡